Nuevos afayos na villa romana de La Estaca, Asturies

0
6
Pavimento y murete de la Villa Romana de la Estaca, excavaciones 2020. Foto. Asoc. Amigos de la Estaca
Tiempo de lectura: < 1 minuto

Siguen los trabayos de la escavación en Les Regueres, nel centru d’Asturies. L’equipu que lleva a cabu les xeres arqueolóxiques de la presente escavación desveló nuevos descubrimientos que salieron publicaos na prensa rexonal ayeri. Trátase d’un pavimentu de piedra, texas y otros elementos de construcción. Quiciabes el más llamativu ye’l muriu realizáu emplegando “opus vitattum”, (obra con vetes), nome que recibe pola alternanza del usu de piedra con fila de lladriyu.

Digo que pal mio ye lo más llamativo una y bones esta técnica usóse sobremanera nel baxu Imperiu, polo que nos daría pistes sobro la datación de la villa, o siquier d’hasta cuando s’estendió’l so poblamientu.

Juan Muñiz, director de la escavación, declaraba a la prensa que taba sosprendíu del bon estáu de caltenimientu de los nuevos restos apaecíos. «Tamos en la parte norte de la casa y l’estancia podría ser daqué que tea conectáu cola fachada de la vivienda, pero hasta llegar a la fachada fáltennos inda unos díes. Agora vamos ampliar el sondéu».

Vamos siguir sollertes a los nuevos pasos del equipu y vamos cuntavos más cuando pasemos pola escavación nes xornaes de puertes abiertes que tienen previstu realizar.

LEAVE A REPLY

Please enter your comment!
Please enter your name here