Arqueoloxía dende casa. Vamos esquizar mapes LiDAR (a un nivel peeeeeer básicu)

0
1160
Tiempo de lectura: 5 minutos

Fai un par de díes llamóme enforma l’atención una noticia espublizá nel Reinu Xuníu. Un fotógrafu, aficionáu a l’arqueoloxía fixera un posible descubrimientu dende la so casa. Dos potenciales “hillforts” de la Edá del Bronce nes contornes de la so localidá natal que polo que paez nun taben catalogaos.

La noticia, que paez sorprendente, nun lo ye tanto yá que anguaño cualesquier, y digo, cualesquier, tien accesu a mapes LiDAR y puede faer una prospección superficial del terrén sele dende la so casa. Ta nidiu que ye a un nivel bien básicu y de xacíu qu’ensin el mesmu grau de detalle qu’apurre un mapa fechu a costa fecha pa una zona concreta con un dron y con un radar.

Cualesquier aficionáu a l’Arqueoloxía puede siguir les indicaciones d’este post y rastrexar un mapa. Lo que vos propongo equí ye que xuguemos a ser arqueólogos 2.0 y que busqueis xacimientos conocíos y interpreteis los mapes LiDAR por que conozamos un pocu más esta nueva tecnoloxía que ta revolucionando la busca de xacimientos arqueolóxicos.

Antes de siguir, equí namá vamos probar la manera de agüeyar les imaxes, faciendo un tratamientu bien básicu con elles. Pa coses más complicaes hai formación reglada pal que quiera afondar na tema, esto nun ye un cursu, quiciabes como muncho xuna toma de contactu.

Descarga de mapes LiDAR

Vamos al granu. El nuesu oxetivu: “quiero visualizar una imaxe LiDAR na mio casa”. Vale, pos lo primero que tenemos que faer ye aportar a les imaxes qu’apurre l’Institutu Xeográficu Nacional y que van ser la base del nuesu esperimentu.

España apurre imaxes LiDAR de forma totalmente gratuita dende esti diretoriu. Escueye la serie 1ª o 2ª yá que vamos usar el formatu LAZ pa les visualizaciones.

La ferramienta dexa la selección del espaciu que queremos analizar al traviés de delles víes, pero yo encamiéntovos sobremanera la selección por polígonos. Esto ye, marcar con puntos un área de trabayu. Déxovos una captura

Escoyeis “buscar por polígonu” y depués haceis zoom nel mapa hasta llegar a delimitar lo que buscais. De siguío llévavos automáticamente al sitiu de descargues de los ficheros.

Conseyu! Encamiéntovos que vos familiariceis cola plataforma. Tien xuna bona seición d’ ayuda.

Un trucu, al llau de caun de los ficheros ta un iconu como d’una diana, con él podeis ver sobro’l mapa la zona que cubre y ver si cumple les vueses mires. Si ye correutu, das-y a descargar. Según les capes qu’escoyeres descárgate un formatu o otru. (ASC, ECW, LAZ). Nós queremos LAZ

El procesu visualización

Programes que faen falta

Una vegada qu’escueyes la área a visualizar y completes el polígonu, empecípiase automáticamente el procesu de descarga, que va depender de les capes qu’escoyeres nel selector de capes.

En cuanto al programa que dexa visualizar esos ficheros hai dellos. Al mio tol mundu encamentóme QGIS que ye de códigu llibre, y col que fixi esti esperimentu. La verdá ye qu’a cencielles lo instales y pista (pa lo que queremos faer). Depués déxate añedir estensiones pa faer un montón de procesos a les imaxes, pero como vos digo l’oxetivu d’este post ye namá enseñavos a visualizar una imaxe LIDAR que hayais escoyíu.

Una de les estensiones que neceistais pa ver mapes ye Lastools. P’añedir esta estensión podeis dir a la pestaña complementos de QGIS, buscala ellí y da-y al procesu d’instalación. Lastools déxanos trabayar colos mapes de puntos tresformándolos n’imaxes sobro les que vamos trabayar.

Tresformando’l ficheru

Pal nivel nel que tamos voi dicivos que lo que precisamos ye tresformar el ficheru LAZ o LES nun formatu col que podamos trabayar en QGIS. Pa ello esiste’l complementu blast2dem. Nél podemos xubir un ficheru LAZ y esportar un ficheru tif colos elementos que nós queramos. Esplico.

P’arqueoloxía, lo potente del LiDAR ye que nos dexa esaniciar la capa de masa forestal, edificios, etc. Esto déxanos xuna vista del suelu peláu” onde ye más fácil visualizar les estructures que pueden tar sol sosuelu.

Pa ello usamos el blast2dem que vien nes LasTools. Pa usalo vais a Procesos / Caja de herramientas de procesos y va abrivos una pestaña a la derecha de la pantalla colos complementos. Nel buscador escribes blast2dem y yá t’apaez. Escueye estes opciones y da-y a executar.

Dependiendo del to equipu va tardar más o menos en realizar el procesu. Cuando termine vas tener un tif col suelu peláu.

Agüeyamientu y axustes básicos.

El ficheru tif que tienes agora nel to discu duru ye’l planu sobro’l que vas trabayar. En realidá inda queda un pasu más por dar y ye tresformalo nun mapa de relieve. Digamos que nel ficheru tif yá tán tolos elementos que precisamos, pero fai falta apolazalo un pocu.

Abasna’l tif sobro la ventana de QGIS. Nun asustes, vas ver daqué asina.

Nun hai torga, ta tou bien. Ye una especie de negativu del productu final.

Pa poder ver el terrén fai doble click sobro la capa y na ventana que t’apaez escueye Mapa de Sombras (Hillsade), y vas ver cómo se produz la maxa 😀

Bono, yá tenemos el nuesu mapa con relieve. A partir d’equí ye cuando empieces a xugar de verdá, modifica parámetros como l’altor de lluz, l’ángulu dende’l qu’allumes el relieve y otros parámetros, usa’l zoom. Tas énte el to primer posible descubrimientu arqueolóxicu caseru. Propóngote que primero faigas vistas sobro xacimientos yá reconocíos por que puedas ver restos arqueolóxicos nel so contestu. Depués puedes empezar la busca.

El resultau caberu

Nun estiendo más el tutorial porque a cencielles ye pa ver una imaxe LiDAR en relieve. La verdá ye que la primer versión d’este post, relleida tiempu dempués decepcionóme abondo garré la versión actual ta reescrita casi por completu. Que lo esfrutes. Ah!, póngote’l mapa d’Arrabalde que surde de la práctica que sirvió pa este post.

El “crater” redondu que veis a la derecha ye un bebederu de ganáu del que falamos n’este post sobre Las Labradas

Comparte si te presta, o entruga cualesquier dúbida, voi ayudate na midida de lo posible.

LEAVE A REPLY

Please enter your comment!
Please enter your name here